lyavi_tachana (lyavi_tachana) wrote,
lyavi_tachana
lyavi_tachana

Экран дене кутырем гынат...

"Ик эн чын намыр - тиде айдеме мутланымаш намыр". Антуан де Сент-Экзепюри.
"Айдемым шке гайже дене мутланаш шупшеш, лач тыгаяк состоянийыште тудо шкенжым айдемылан шотла, икманаш, тыге тудо пӱртӱсын пуымо нерлыкшын шуаралтмыжым шижеш. Тыгак, южгунам айдемылан шкет кодашыже кӱлешак". Иммануил Кант.
"Кажне айдемым колышташ лиеш, но кажныж дене мутланаш ок кӱл". Артур Шопенгауэр.



Айдеме мутланен мошта гын, илыш корным куштылгын эрта. Йылмыдымылан, мутат уке, моткоч неле. Мутланымаш нерген да йылмын илышыште кугу рольым модмо шотышто шуко ойлаш лиеш. Шуко тӱрлӧ книгалаште да Интернет лаштыклаште тиде темылан пӧлеклалтше оҥай информаций уло. Мыйын гын лач экран дене мутланаш кумылем лектын.
Палем, илышыштем эше кугу вашталтыш вуча. Кажне гана корнышто у еҥ лектеш. Кузе тудын дене мутланаш, кузе шкендым кучен мошташ да моло тыгай йодыш-влак вуйым пудыратат веле. Тиде амалланак кӧра шкемым эре шуарем: кычалам,лудам, мутланем.
Теве тӱнямбал кӱкшытан чемпионатат шеҥгелне кодын, йылмемлан кугу практике лийын, шкаланем гын ик эн чапле полыш. А эрла гыч - мо дыр, шонаш веле кодеш.
Южгунам поро да мудреч айдеме дене жапым шекланыде мутланен эртарет, чонланат ласка, илышын ончыкылыкшым ужат.
А эше теве мом шоналтышым... Йолташдан але палымыдан йӧршын кумылжо уке гын, мутланыза, лукса ойгыжым тӱжвак... Таче шуко самырык шке илышыж дене шоналтыде чеверласа. Депрессивный состояний годым самырык-влак эмоций дене илат, уш-акылышт тыгодым мала. Мутланымаш гоч негативный эмоций лектеш, чон шӱлалта.

Чонемже почмо. Пуро унала.
Мутланыме шуэш ӱшанле еҥ ден.
Чыла мондалтын угыч лу гана,
Мардеж гына копамым ок поремде.

Лач корно чын йолташ улеш, векат,
Шыман луктеш шӱмеш кержалтше умдым.
Уна улам тӱняште мый шкежат,
Ом шоно ужалаш ты верым шулдын.

Чонемже ямде чыным кутыраш,
Вурсаш ом тошт ойгеш шуҥгалтше еҥым.
Йомаш ыле мут погын тӱтыраш,
Палаш ыле айдемым... Можыч шкемын?..

Нигӧ ок шоно мыйын семынак.
Нигӧ ок тапте мыйын илыш корным.
Сӧрастараш пустаҥше верымат
Полша лач кумыл, шкетын веле кодын.
Subscribe
  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments